Agjencia e spiunazhit ushtarak të Ukrainës thotë se një operacion i përbashkët me një grup rus pro-Kiev çoi në djegien e një luftanijeje ruse në Detin Baltik në fillim të këtij viti.
Një zjarr shpërtheu në anijen raketore Serpukhov, e cila ishte e vendosur në rajonin e Kaliningradit, më 7 prill.
Agjencia e spiunazhit ushtarak GUR mori përgjegjësinë menjëherë pas aksionit, raporton skynews.
Në një përditësim të sotëm, kreu i agjencisë, Andriy Yusov tha se operacioni u krye së bashku me Legjionin e Lirisë së Rusisë - një grup rusësh që kundërshtojnë luftën e Vladimir Putinit në Ukrainë.
"Si rezultat i sabotazhit, [ne] arritëm të shkatërrojmë anijen nga brenda dhe të shkatërrojmë plotësisht komunikimin dhe mjetet e saj të automatizimit", tha legjioni në llogarinë e Telegramit.
Ndryshe, Rusia ka nisur pushtimin e shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale. /Telegrafi/