Problemet e Chelseat me lëndime në mesfushë vetëm sa po shtohen, pasi që Billy Gilmour pritet të mungojë deri në fund të sezonit si pasojë e lëndimit të gjurit.
19-vjeçari e lëshoi fushën 10 minuta pa përfunduar takimi kundër Crystal Palace, në ndeshjen e të martës mbrëma.
Krahas tij, në ndeshjen e fundjavës kundër Sheffield Unitedit pritet të mungojnë edhe N'Golo Kante e Mateo Kovacic, të cilët janë të lënduar.
Chelsea, megjithatë akoma ka opsione në mesfushë, me Jorginhon që pritet të jetë startues të shtunën në Brammall Lane.
Pastaj, Blutë do t’i zhvillojnë edhe tri ndeshje të tjera në Ligën Premier, si edhe do të përballen me Manchester Unitedin në Kupën FA, para se të luajnë kundër Bayern Munichut në ndeshjen kthyese të 1/8 së finales në Ligën e Kampionëve. /Telegrafi/