Artisti i mirënjohur, Genc Prelvukaj prej ditësh ka paralajmëruar projektin e ri muzikor.
Ndërkohë, tashmë Genci ka zbuluar se kënga më e re nga ai është në bashkëpunim me artistin Adnan Dacin.
Dyshja kanë bashkuar forcat për të sjellur projektin që mban titullin “Shko” dhe pritet të publikohet nesër (e mërkurë).
“Nesër në orën 14:00, nëse ju ka pëlqyer “Leter për ty” atëherë ju pëlqen edhe kjo. Në bashkëpunim me Adnan Dacin. Shko”, ka shkruar Genci në mbishkrimin e postimit.
Ndërkohë, edhe Daci ka reaguar përmes një postimi për të njoftuar duetin me Gencin.
“Të nderuar miq e dashamirë ju njoftojmë se nesër në ora 14 : 00 do të keni mundësinë ta ndiqni bashkëpunimin tonë të parë me këngëtarin e madh të shumë hiteve shqiptare dhe mikun tim shumë të nderuar Genc Prelvukaj. Shpresoj ta pëlqeni”, ka shkruar ai.
Kujtojmë që kjo këngë e Gencit vjen pas baladës “Letër për ty”, që solli në nëntor të vitit të kaluar dhe ka grumbulluar mbi pesë milionë klikime në YouTube. /Telegrafi/