16/07/2023
Carlos Alcaraz është deklaruar rreth triumfit të tij në Wimbledon që zgjati deri në pesë sete, apo mbi katër orë.
Spanjolli triumfoi me shumë spektakël, duke marrë rezultatet 1-6, 7-6, 6-1, 3-6, 6-4.
“Është ëndërr e realizuar për mua. Është fitore e madhe”, ka thënë fillimisht 20-vjeçari.
“Edhe po të humbja unë do të isha shumë krenar me veten”.
“Të bëj histori në këtë turne të shkëlqyer, jam vërtetë krenar me veten, me ekipin që e kam, me punën që bëjmë çdo ditë”, ka thënë më tej Alcaraz.
Spanjolli e ruan pozitën si numri 1 në botën e tenisit, ndërsa dëshmoi sot se ka një të ardhme të ndritur. /Telegrafi/