Fillon sot kampi veror në Qendrën e trajnimeve ''Pepelishte''
27/06/2017
Nën organizimin e akademisë ushtarake ''Gjeneral Mihaillo Apostollski'', sot do të fillojë kampi veror, i teti me radhë, në Qendrën për trajnim Pepelishte në Negotinë, përcjell Telegrafi Maqedoni.
Gjithsej janë paraqitur 116 pjesëmarrës nga 12 shtete, SHBA-të, Gjermania, Norvegjia, Çekia, Polonia, Rumania, Bullgaria, Shqipëria, Mali i Zi, Bosnja e Hercegovina, Kosova, si edhe nga vendi.
Këtë radhë, kampi do të përqëndrohet në elaborimin akademik të temave të ndryshme, me qëllim të vendosjes së një rrjeti të oficerëve të ardhshëm dhe përgatitja e tyre për zhvillim të ndërveprimit dhe bashkëpunimit./Telegrafi