Filipçe: Shumica e personelit mjekësor do të vaksinohet
07/01/2021
Ministri i Shëndetësisë, Venko Filipçe ka thënë se shumica e personelit mjekësor në vend do të vaksinohen pasi të arrijnë dozat e para të vaksinës, përcjell Telegrafi Maqedoni.
Ministri Filipçe ka thënë se janë duke u bërë përpjekjet e fundit administrative që të fillojë transporti i vaksinave.
"Shumica e personelit mjekësor janë të interesuar për të marrë vaksinën dhe për këtë ne jemi shumë të lumtur pasi personeli i vaksinuar do të thotë siguri gjatë punës" thotë Filipçe.
Sipas ministrit Filipçe, vaksinimi është proces i sigurtë dhe i vërtetuar nëpër laboratoret botërore. /Telegrafi/