Festë e çmendur në Norvegji, Viking e fiton titullin pas 34 viteve

Viking e ka fituar titullin e kampionit në elitën e futbollit norvegjez pas fitores së thellë ndaj Valerenga me rezultat 5-1.

Titulli u vendos në xhiron e fundit, me Viking që nuk gabuan për të mbledhur në fund 71 pikë, një mbi Bodo/Glimt, të cilët përfunduan si pozitë e dytë.

Për klubin norvegjez ky është titulli i parë pas plot 34 viteve pritje, ku menjëherë pas fishkëllimës nisi edhe festa e çmendur, me tifozët që e mbushën stadiumin.

Më e bukura ishte edhe mesazhi ndaj rivalit Bodo/Glimt, ku tifozët shpalosën një baner të bukur në të cilën shkruhej “Në ëndrrat tuaja”.

Viking përndryshe kanë fituar edhe një vend direkt në play-offin e Ligës së Kampionëve për edicionin 2026/27, ku edhe në rast që humbasin do ta kenë të siguruar pjesëmarrjen në Ligën e Evropës./Telegrafi/