E kanosi përmes rrjeteve sociale, shoqërohet në polici një grua në Zubin Potok

Një grua është shoqëruar në stacionin policor pasi që e njëjta përmes rrjeteve sociale dyshohet se e kishte kanosur një grua tjetër.

Në raportin 24 orësh të Policisë së Kosovës bëhet e ditur se rasti ka ndodhur të martën rreth orës 18:00, në Zubin Potok.

Tutje thuhet se me vendim të prokurorit pas intervistimit rasti procedohet në procedurë të rregullt.

“Është shoqëruar në stacionin policor e dyshuara femër kosovare pasi që e njëjta përmes rrjeteve sociale dyshohet se e kishte kanosur viktimën femër kosovare. Me vendim të prokurorit pas intervistimit rasti procedohet në procedurë të rregullt”, thuhet në raport. /Telegrafi/