Bayern Munichu po negocion për të blerë Ivan Perisicin nga Interi pas huazimit të tij, por Tottenham Hotspur dhe Leeds United janë gjithashtu të interesuar.
Perisic ka qenë një nga figurat kryesore në kalimin e Bayernit në gjysmëfinale të Ligës së Kampionëve, pasi gjeti rrjetën kundër Chelseat dhe Barcelonës.
Ai kaloi këtë sezon në huazim në Gjermani me një kosto prej pesë milionë eurosh me një mundësi për ta blerë për 20 milionë euro të tjera në fund të sezonit.
Megjithatë, ai afat kaloi, kështu që tani klubet po negociojnë për një shifër prej 10-15 milionë euro për ta bërë transferimin e përhershëm.
Në rast se nuk veprojnë kështu, për Perisic ka interesim të madh edhe nga Liga Premier.
Sipas faqes FCInterNews.it, anësori kroat pëlqehet nga Tottenhami, por edhe nga klubi i sapo promovuar në ligë, Leeds United.
Spurs nuk janë befasi, pasi trajneri Jose Mourinho ishte i etur për të marrë Perisicin kur ishte në krye të Manchester Unitedit. /Telegrafi/