Drenica ka shënuar fitore me rezultat minimal 1-0 në shtëpi ndaj Prishtinës së Re në kuadër të javës së tretë në Albi Mall Superligën e Kosovës.
Pjesa e parë e këtij takimi ishte e qetë, me të dyja skuadrat që po prisnin ndonjë gabim eventual të njëra-tjetrës për të realizuar.
Me rezultat të barabartë 0-0 përfunduan 45 minutat e para të këtij takimi.
Golin e fitores Drenica e gjeti në minutën e 79-të të ndeshjes për të arkëtuar tri pikët e para të sezonit.
Pas një depërtimi të bukur nga ana e djathtë nga Altin Vojvoda, ky i fundit asistoi tek Kreshnik Uka i cili realizoi për 1-0.
Deri në fishkëllimën e fundit të gjyqtarit Drenica ia doli të menaxhojë epërsinë e krijuar për të marrë pikët e plota në stadiumin “Bajram Aliu”.
Me këtë fitore Drenica shkon në kuotën e katër pikëve, ndërsa Ferizaj ka tri sosh./Telegrafi/