Dënohet me 3 vite burg ish-avokati i Trump
12/12/2018
Michael Cohen, ish-avokati i Donald Trump është dënuar me 36 muaj burg.
Ai është anëtari i parë i rrethit të brendshëm të Trump që do burgoset për shkak të ndërhyrjes së supozuar ruse në zgjedhjet e vitit 2016. Para disa kohësh, ai deklaroi se për presidentin Trump do jepte jetën.
Michael është deklaruar fajtor për krime të shumta, të cilat përfshijnë shkeljet e financimit të fushatës, evazionin fiskal dhe gënjeshtra në Kongres.
Në gjykatë, ai foli për ish-shefin e tij duke deklaruar se e bëri të ndiqte “rrugën e errësirës, jo të dritës.”
Në seancën gjyqësore të mbajtur në Manhattan, 52-vjeçari i tha gjyqtarit William Pauley se dobësia e tij ishte besnikëria e verbër ndaj Donald Trump. /oranews/