Frank De Boer beson në një rezultat pozitiv ndaj Juventusit, të cilin e respekton, por thotë së me ndihmën e tifozëve mund të bëjnë mirë, pasi nuk ia kanë frikën.
Trajneri holandez do ta zhvilloj për herë të parë derbin e Italisë ndaj Juventusit, ku ndihet optimist se ndeshja do të shkoj mirë dhe në fund mund të marrin rezultat pozitiv, pavarësisht formës jo të mirë që po kalon skuadra.
“Do të luajmë kundër një kundërshtari të madh për të cilin kemi respekt, por jo edhe frikë. Me ndihmën e tifozëve mund të bëjmë mirë”, ka deklaruar De Boer në konferencë për shtyp, transmeton Telegrafi.
“Juve është solide dhe e vështirë për t’u mposhtur, por e kemi parë vitin e kaluar që mund të mposhtet. Po flas për ndeshjen e Kupës së Italisë. Bardhezinjtë mund të mposhtën”, përfundoi trajneri holandez.
Ndryshe, derbi i Italisë në mes të Interit dhe Juventusit zhvillohet nesër(diel), me fillim nga ora 18:00, në stadiumin e qytetit të Milanit, ‘Giuzzeppe Meazza’. /Telegrafi/