Darwin Nunez tregoi një pamje të re dhe të guximshme në rrjetet sociale, pasi një mik i sulmuesit të Liverpoolit zbuloi se 26-vjeçari është gati t’i japë fund periudhës së tij të trazuar trivjeçare në Anfield dhe tashmë ka zgjedhur destinacionin e tij të radhës.
Sipas ish-shokut të ekipit të Nunez te Penarol dhe mesfushorit të Uruguait, Walter Gargano, thuhet se lojtari ia ka thënë këtë drejtpërdrejt.
Në Instagram, Nunez pozoi me partneren e tij Lorena Manas në festimet për ditëlindjen e tij të 26-të me kokën e rruar rishtas.
Një fotografi e dytë tregonte Manas duke mbajtur makinën pasi i kishte qethur flokët e gjatë të partnerit të saj.
Nunez është gati të largohet nga Merseyside pas tri sezonesh dhe një viti të fundit veçanërisht të vështirë, ku luajti si titullar vetëm tetë herë në Ligën Premier - dhe shënoi shtatë gola në të gjitha garat.
Ai ka qenë subjekt i interesimit nga Napoli, Atletico Madrid dhe skuadra e Arabisë Saudite Al-Hilal, por kampionët e Serie A tani mund të jenë opsioni më i mundshëm. /Telegrafi/
