Militantët e Hamasit kanë publikuar një video të përleshjeve të ashpra me forcat izraelite, që janë futur në Rripin e Gazës.
Siç raporton Times of Israel, bëhet fjalë për betejën që ka ndodhur të dielën, transmeton Telegrafi.
Në fillim të videos, personi që e ka publikuar videon shfaq muxhahedinët e brigadës Al Kasam, e pamjet e filmuara nga droni vëzhgojnë ushtarët izraelitë dhe tanket në enklavën palestineze, të mbledhur në perëndim të pikëkalimit kufitar Erez.
Më pas pamjet ndërpriten dhe vazhdojnë kur kamera vendoset në uniformën e një militanti të Hamasit, ku përkrah tij shihen edhe shumë tjerë të armatosur duke dalë nga tuneli dhe i afrohen forcave izraelite.
Pjesëtarët e Hamasit hapin zjarr ndaj trupave izraelite dhe fillon beteja e përgjakshme. Times of Israel raporton se në ditët e fundit janë zhvilluar një sërë betejash në Rripin e Gazës, pasi IDF-ja izraelite ka zgjeruar operacionet tokësore.
IDF-ja ka konfirmuar se dy ushtarë izraelitë janë plagosur, derisa nga Hamasit ka dhjetëra të vrarë. /Telegrafi/
https://twitter.com/SafaPs/status/1719288785278554243?ref_src=twsrc%5Etfw%7Ctwcamp%5Etweetembed%7Ctwterm%5E1719288785278554243%7Ctwgr%5E5bc3ce78e227e52fcc512d0902a812c5ed68be77%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4279716%2Fhamas-objavio-snimak-bitke-mudzahedina-iz-brigada-al-kasam-s-izraelskom-vojskom-u-pojasu-gaze