George Clooney është kthyer në ekranet e vogla me serialin "Catch-22", adaptimin e romanit të Joseph Hellerit.
Me këtë rol, aktori i famshëm hollivudian kthehet në një serial pas afro dy dekadash.
Drejtoresha e Paramount Television, Amy Powell, që në bashkëpunim me Anonymous Content janë duke e realizuar serialin, ka njoftuar për Hollywood Reporter se seriali ka gjashtë episode dhe se Clooney do të përfitojë afër një milion dollarë për çdo episod.
Romani satirik i Heller, "Catch-22", për herë të parë është botuar në vitin 1961 dhe është një prej romaneve më të lexuara në letërsinë amerikane dhe botërore.
Ngjarja është e vendosur në Luftën e Dytë Botërore dhe sjell tregimin një pjesëtar të ekuipazhit bombardues që përpiqet ta braktisë ushtrinë.
Paraqitja e fundit e Clooneyt në një serial ishte në vitet e nëntëdhjeta në "ER".
Në atë serial televiziv, aktori i famshëm ka luajtur rolin e doktor Doug Ross. /Telegrafi/