Chelsea është rikthyer te fitoret pasi ka mposhtur në Stamford Bridges rivalin lokal Fulham me rezultat 2-0.
Tifozët e pranishëm në stadium e panë golin e parë vetëm pas katër minutave lojë.
Mesfushori francez, N’Golo Kante rrëmbeu një top në mesfushë dhe asistoi bukur tek Pedro Rodriguez i cili shënoi lehtësisht për 1-0.
Chelsea pati rast të mirë ta dyfishojë epërsinë në fund të pjesës së parë, por Olivier Giroud nuk ia doli ta dërgonte topin në rrjetë.
Me epërsinë minimale të vendasve 1-0 përfunduan 45 minutat e para të kësaj sfide.
Edhe në pjesën e dytë vendasit luajtën më mirë dhe sulmonin vazhdimisht portën e mysafirëve.
Por u desh të pritej minuta e 82-të për ta parë golin e dytë në këtë sfidë.
Ishte mesfushori i inkuadruar nga banka rezervë, Ruben Loftus-Cheek që realizoi pas asistimit nga Eden Hazard.
Kjo fitore Chelsean e ngrit në pozitën e tretë në tabelë me 31 pikë të grumbulluara, shtatë më pak se lideri Manchester City.
Ndeshjen e ardhshme Chelsea do të luaj si mysafir i skuadrës së rikthyer në Ligën Premier, Wolverhampton Wanderers.
Në anën tjetër, Fulham do të jetë nikoqir i Leicester Cityt. /Telegrafi/