Chelsea dhe Milan janë duke garuar mes vete për të nënshkruar me yllin hungarez Dominik Szoboszlai.
Mesfushori i talentuar i Red Bull Salzburg ka bërë paraqitje fantastike këtë edicion në kampionatin austriak, por edhe në garat evropiane.
19-vjeçari që luan në rolin e mesfushorit organizator ka shënuar katër gola dhe ka bërë shtatë asistime në 29 takime zyrtare.
Dy skuadrat e mëdha e ndjekin prej kohësh hungarezin Szoboszlai, ndërsa synojnë afrimin e tij në verë.
Reprezentuesi hungarez është njëri nga lojtarët më të mirë në elitën e futbollit austriak, derisa Salzburgu kërkon rreth 20 milionë euro nga shitja e tij.
Gjithsesi si Chelsea ashtu edhe Milan duhen të kenë kujdes, pasi Szoboszlai po kërkohet edhe nga Lazio dhe Leicester City.
Megjithatë vet lojtari ditë më parë deklaroi se do t’i pëlqente të luante për Milanin, deklaratë që i bënë Rossonerët favorit për të nënshkruar me të. /Telegrafi/