Portieri i Paris Saint Germainit, Gianluigi Buffon, është kthyer edhe një herë të flas për Juventusin.
Italiani ka thënë se nuk e ka problem një përballje të mundshme me Zonjën e Vjetër në Ligën e Kampionëve, përjashtim finales.
40-vjeçari ka thënë se i mungon Italia, por jo dhe Mauro Icardi, kjo pasi argjentinasi i ka shënuar shumë gola me fanellën e Interit, por edhe të Sampdorias.
"Juventus? Do doja t'i takoja në Ligën e Kampionëve, por ndeshja e vetme që nuk do dëshiroja të përballsha me ata është finalja. Të gjithë tjerat do të ishin në rregull".
"Juve nuk është e gjithë jeta ime, por pjesë e rëndësishme e jetës time. Për mua ishte koha të largohem, por edhe për disa lojtar, arsyeja e vetme që qëndruan ishte ardhja e Ronaldos".
"Icardi? Nuk më mungon, sepse sa herë që kam luajtur kundër tij më ka shënuar gol", ka thënë Buffoni në një intervistë Tika-Taka.
Në 12 ndeshje Icardi ka arritur t'i shënojë tetë gola në portën e ish-portierit të Juventusit. /Telegrafi/