Kapiteni i Lazios, Lucas Biglia, beson se Napoli mund ta eliminojë Juventusin nga Kupa e Italisë.
Partenopei janë nikoqirë të Bianconerëve në San Paolo për ndeshjen kthyese gjysmëfinale të Kupës së Italisë, ku do të vendoset finalisti i dytë që do të luajë ndaj Biancocelestëve.
Zonja e Vjetër fitoi me rezultat 3-1 në ndeshjen e parë dhe është favorit, mirëpo mesfushori i Lazios beson se ekipi i tij mund të përmbysë gjithçka.
“Pas ndeshjes së të dielës, mendoj se Napoli mund të kthehet”, ka thënë Biglia për ESPN.
“Ata kanë shumë cilësi dhe kanë lojtarë të shkëlqyer, është një prej skuadrave më të mira në Itali dhe kanë një trajner (Maurizio Sarrin) me të cilin zhvillojnë futboll të mirë”.
“Do të jenë mirë të përgatitur për atë takim, por nuk do ta kenë të lehtë”, ka shtuar lojtari i Lazios. /Telegrafi/