Besfort Zeneli po kalon në një periudhë të shkëlqyer dhe është shndërruar në një nga futbollistët më të kërkuar të kampionatit suedez.
Mesfushori sulmues i Elfsborgut, që ka përfaqësuar si Kosovën ashtu edhe Suedinë në nivelin e të rinjve, ka zgjuar interesimin e madh nga klubet evropiane.
Sipas “Fotbolldirekt.se”, për 22-vjeçarin janë vënë pas tetë skuadra nga liga prestigjioze si Serie A (Itali), Ligue 1 (Francë), por edhe nga Anglia, Gjermania dhe Turqia.
Nga Anglia bëhet fjalë për një klub të Championshipit, ndërsa interesim ekziston edhe nga Bundesliga 2 dhe liga e dytë turke.
Zeneli, i cili është vëllai më i vogël i Arbër Zenelit, këtë sezon ka shkëlqyer me fanellën e Elfsborgut duke realizuar një gol dhe duke dhënë nëntë asistime në 19 ndeshje të “Allsvenskan”.
Me formën e tij të lartë, ai është bërë një element kyç për skuadrën që aktualisht mban vendin e katërt në renditje. /Telegrafi/