Besa triumfon dhe mban gjallë shpresat për titull

Ekipi që udhëhiqet nga Arbnor Morina ia nisi më mirë ndeshjes, kur nuk kaluan më shumë se katër minuta lojë dhe shënuan golin e parë.

Sulmuesi, Kastriot Rexha gjuajti dhe goditi shtyllën, ndërsa nga topi i kthyer Fetim Kasapi realizoi gol për epërsinë 1-0.

Me rezultat minimal përfundoi pjesa e parë në një takim që të dyja skuadrat kishin raste të mira shënimi.

Me të filluar pjesa e dytë mysafirët barazuan rezultatin. Sulmuesi Enis Zabërgja kaloi mirë mbrojtjen vendase dhe goditi nga 17 metra për ta barazuar rezultatin në 1-1.

Golin e fitores për pejanët e shënoi përsëri Fetim Kasapi nga pika e bardh në minutën e 58-të.

Pas kësaj fitore, Besa zë vendin e tretë me një pikë më pak se Prishtina dhe gjashtë më pak se Ferronikeli. /Telegrafi/