Artstja shqiptare me renome ndërkombëtare, Bebe Rexha, këto ditë ka qëndruar e vetë-izoluar në shtëpinë e saj në New York.
Ajo është shumë e shqetësuar për gjendjen e njerëzve në mbarë globin, pas përhapjes së pakontrollueshme të pandemisë COVID-19.
Këto ditë, Rexha është gjendur pranë fansave përmes rrjeteve sociale, duke i këshilluar ata të qëndrojnë të qetë dhe të respektojnë masat preventive për parandalimin e coronavirusit.
Teksa u lajmëruar në rrjetin social Twitter, 30-vjeçarja iu drejtua fansave me disa statuse, ku shkruante se ka filluar të dyshojë që kafshët bashkë-ndiejnë çfarëdolloj situate në botë.
“Ndonjëherë ndjehem sikur qentë i dinë/ndiejnë gjërat përpara se t'i bëjmë”, shkroi ajo në një status në Twitter.
Rexha tha se kjo i ka ndodhur me qenushen e saj, të cilin ajo e quan Bear, ku sipas këngëtares nuk ka treguar fare shenja të mira disponimi, sikur të jetë në dijeni të asaj që po ndodh botërisht.
“Unë e di se kjo ndoshta do të tingëllojë e çmendur, por duket sikur qeni im ta di se ka diçka që po ndodh në botë. Zakonisht ajo fle me lodrat e saj dhe luan me top 24/7. Ajo nuk do të luajë top, ajo vetëm po fle dhe duket e dëshpëruar”, ka shkruar tutje këngëtarja me origjinë shqiptare.
Bebe Reha përndryshe ende nuk ka lansuar asnjë këngë që nga fillimi i vitit të ri 2020. /Telegrafi/
