Portieri brazilian Neto iu bashkua Barcelonës verën e vitit të kaluar nga Valencia.
Dy klubet spanjolle shkëmbyen portierët ku Neto kaloi në Camp Nou e Jasper Cillessen iu bashkua Valencias.
Por përkundër se ishte portieri i dytë në skuadër, katalunasit nuk janë të kënaqur nga ajo çfarë ka treguar braziliani.
30-vjeçari është paraqitur në vetëm katër ndeshje me Barcelonën, ku ka pësuar shtatë gola.
Kampioni në fuqi i Spanjës mendon shitjen e brazilianit për të fituar sa më shumë para për ta përforcuar ekipin në verë.
Vendin e Netos te Barcelona pritet ta zë portieri i talentuar Inaki Pena, i cili ka shkëlqyer me ekipin e dytë të Barcelonës.
Talenti i dalë nga La Masia në 18 ndeshje të zhvilluara ka pranuar 15 gola, teksa në tetë prej ndeshjeve e ka ruajtur portën e pa prekur.
Barcelona synon që të fitojë mbi 15 milionë euro nga shitja e Netos, ku e ardhmja e brazilianit mund të jetë përsëri në Serie A.
Roma është skuadra që ka shfaqur interesim për 30-vjeçarin pasi portieri Pau Lopez mund të largohet në drejtim të Ligës Premier. /Telegrafi/