Mesfushori belg i Monacos, Youri Tielemans ka përfunduar në radarin e gjigantit spanjoll, Barcelonës.
Sipas mediumit Niewsblad, Barcelona është një nga klubet e interesuara në mesfushorin e Monacos dhe reprezentacionit të Belgjikës, Youri Tielemans.
Mediumi belg pohon se klubi Blaugrana është në garën për lojtarin e shumë kërkuar të Monacos, i cili pëlqehet nga shumë skuadra të mëdha evropiane.
Përveç gjigantit katalunas, Tielemans është gjithashtu subjekt i interesit të skuadrës angleze Manchester United dhe asaj italiane Milan.
21-vjeçari është një nga lojtarët e pakët që po luan mirë në sezonin e vështirë që po e përjeton Monaco.
Megjithatë, rikthimi i trajnerit Leonardo Jardim kund të sinjalizojë largimin e mesfushorit belg, i cili nuk luante më parë në urdhrat e tij.
Trajneri portugez thuhet se ka aprovuar largimin e ish-mesfushorit të Anderlechtit në fillim të këtij sezoni, por ardhja e Thierry Henry thuhet se ka ndryshuar situatën.
Tani Jardim është përsëri në pozicion të nxehtë dhe Tielemans është në dispozicion për shitje, pavarësisht pesë golave të shënuara në 20 paraqitje në Ligue 1 me Monacon. /Telegrafi/