Barcelona e ka mbyllur sezonin 2019/20 në La Liga me fitore të thellë në udhëtim te Deportivo Alaves me rezultat 5-0.
Ekipi i Quique Setien ka fituar pa vështirësi ndeshjen e fundit të sezonit apo të javës së 38-të në La Liga dhe e ka mbyllur sezonin në vendin e dytë.
Pjesa e parë e ndeshjes u karakterizua me lojë më të mirë të mysafirëve, të cilët përveç rasteve të shumta arritën të shënojnë edhe tri gola.
Goli i parë i ndeshjes erdhi pas 24 minutave lojë dhe ishte Ansu Fati, i cili shënoi për 0-1 pas asistimit të Lionel Messi, ndërsa argjentinas arriti të gjej golin në minutën e 34-të për 0-2.
Kur pritej që pjesa e parë të mbyllej në skenë doli Luis Suarez, i cili në minutën e 44-të shënoi për 0-3 pas asistimit të Jordi Alba.
Në pjesën e dytë përsëri ishte gjiganti katalunas që luajti më mirë, krijoi më shumë dhe shënoi edhe dy gola tjerë.
Nelson Semedo (57’) shënoi për epërsinë 0-4, ndërsa Messi (75’) shënoi golin e dytë personal dhe të 0-5 pas asistimit të Albas.
Deri në fund të ndeshjes pati edhe disa raste nga të dyja skuadrat, por pa arritur të gjejnë golin dhe ndeshja përfundoi me rezultat 0-5.
Pas kësaj fitore, Barcelona e mbyll sezonin në vendin e dytë me 82 pikë, ndërsa Alavesi i 16-ti me 39 pikë, duke siguruar së paku edhe një sezon në La Liga. /Telegrafi/
https://twitter.com/fcb_akshay/status/1284873894130864128
https://twitter.com/Newells_en/status/1284883778847023107
https://twitter.com/OnlyFootballCl1/status/1284877310286540800
https://twitter.com/vickyfcb_/status/1284885846324391938
https://twitter.com/austin63867/status/1284889713543970816