Jeremie Boga është duke kaluar nëpër një formë jashtëzakonisht të lartë në Serie A.
Sulmuesi anësor ka shkëlqyer me Sassuolon ku në 13 ndeshje ka shënuar katër gola dhe ka asistuar në dy të tjerë.
Përveç golave e asistimeve, Boga është dalluar edhe me ndeshje të mira duke krijuar shumë aksione.
Barcelona e ka ndjekur nga afër lojtarin dhe pritet të dalë me një ofertë në drejtim të tij.
Sassuolo e kishte blerë sulmuesin afrikan për vetëm tre milionë euro nga Chelsea, ndërsa vlera e tij tani kap shifrën e 25 milionë eurove.
Barcelona dhe Roma po mendojnë të tentojnë transferimin e tij, por në garë mbetet edhe Chelsea.
Klubi londinez ka një klauzolë për ta riblerë lojtarin për vetëm prej 3,5 milionë euro.
22-vjeçari ka vetëm 18 minuta të zhvilluara me ekipin e parë të Chelseat, ndërsa më parë ishte huazuar edhe në klube si Rennes, Granada e Brimingham City. /Telegrafi/