Bad News Eagles mposhtin me lehtësi ekipin SINNERS
02/08/2023
Ekipi shqiptar Bad News Eagles kanë shënuar fitore ndaj ekipit SINNERS në turneun CCT Online Finals 2.
Kjo ishte ndeshja e parë e ekipit shqiptar në turneun me vlerë 200.000 dollarë.
Ndeshja përfundoi me rezultat të përgjithshëm 2-0 me mapa në të mirë të Bad News Eagles.
Në këtë ndeshje mungoi ylli i skuadrës Flatron ‘juanflatroo’ Halimi, i cili u zëvendësua nga trajneri i tyre Devilwalk.
Edhe përkundër mungesës së juanflatroo-s, Bad News Eagles e fituan këtë ndeshje me lehtësi për të vazhduar tutje në çerekfinale të ‘Upper Bracket’.
Ndeshjen e radhës bNe do ta zhvillojnë ndaj fituesit Anonymo – MIBR. /Telegrafi/