Arsenali ka fituar në derbin e javës të Ligës Premier ndaj Manchester Unitedit me rezultat 2-0.
Skuadra e Arsene Wenger i është kthyer fitoreve në kampionat pikërisht në një ndeshje derbi siç ishte kjo ndaj Unitedit të Jose Mourinhos.
Pjesa e parë e takimit ishte e barabartë me të dy skuadrat që patën rastet e veta dhe rrezikuan portat e njëra-tjetrës, por nuk arritën të gjejnë golin asnjëra dhe shkuan në pushim pa gola.
Në pjesën e dytë, Arsenali hyri furishëm duke kërkuar me ngulm golin e epërsisë dhe i gjetën dy gola të shpejt.
Luhej minuta e 54 e ndeshjes, kur mesfushori nga Kosova, Granit Xhaka shënoi një gol të mrekullueshëm nga rreth 30 metra, por i ndihmuar paksa nga devijimi i Ander Herreras.
Tre minuta më vonë ishte sulmuesi anglez, Danny Welbeck, i cili dënoi ish-skuadrën e tij për 2-0 me një gol të bukur me kokë pas harkimit të Oxlade Chamberlain.
Në vazhdimin e ndeshjes, mysafirët nga Old Trafford u munduan të ngushtojnë epërsisë, por pa pasur sukses dhe ndeshja përfundoi në fund me fitoren 2-0 të Arsenalin, fitore kjo që i jep shpresë për kualifikimin në Ligën e Kampionëve.
Pas kësaj fitore, Arsenali e sheh veten në pozitën e gjashtë me 63 pikë apo gjashtë më pak se vendi i katërt, ndërsa Unitedi renditet në pozitën e pestë me 65 pikë. /Telegrafi/
https://www.dailymotion.com/video/x5lbckt_graniti_shortfilms
https://www.dailymotion.com/video/x5lbcxn_hedfdda_sport