Apple dhe Google bllokojnë dhjetëra aplikacione kineze në Indi
Dy ditë pasi India bllokoi 59 aplikacione të zhvilluara nga firmat kineze, Google dhe Apple kanë filluar të zbatojnë urdhrin e New Delhi dhe po ndalojnë përdoruesit në tregun e dytë më të madh në botë në internet që të hyjnë në ato aplikacione.
Shfletuesi UC, Shareit dhe Club Factory dhe aplikacionet e tjera që India ka bllokuar nuk janë më të listuara në AppleApp Store dhe GooglePlay Store, transmeton Telegrafi.
Në një deklaratë, një zëdhënës i Google tha se kompania kishte "bllokuar përkohësisht hyrjen në aplikacione" në Google Play Store, ndërsa shqyrton urdhrin e përkohshëm të New Delhi.
Apple, i cili ka marrë një qasje të ngjashme si Google në përputhje me urdhrin e New Delhi, nuk dha ndonjë koment në lidhje me këtë vendim.
Masa e së enjtes nga Apple dhe Google, është përshkallëzimi më i fundit në një tension të paparë në kohët e fundit midis Kinës dhe Indisë.
Një përleshje midis dy kombeve fqinje në një vend të diskutueshëm kufitar Himalayan muajin e kaluar la 20 ushtarë indiane të vdekur, duke shkaktuar tensionin historik midis tyre. Në fillim të kësaj jave, India urdhëroi të bllokojë 59 aplikacione kineze përfshirë TikTok të ByteDance duke përmendur shqetësimet e sigurisë kombëtare.
Të enjten, rrjeti social kinez Weibo tha që kishte fshirë llogarinë e kryeministrit indian Narendra Modi me kërkesë të ambasadës indiane. Modi kishte mbledhur rreth 200,000 ndjekës në Weibo para se të fshihej llogaria e tij. /Telegrafi/