Anya Taylor-Joy ka tërhequr vëmendjen me një tjetër paraqitje plot stil në New York, ku ndodhet për promovimin e serialit të saj të ri “Lucky”.
Aktorja 30-vjeçare u fotografua me një kombinim të guximshëm, duke veshur sytjena vjollcë nën një xhaketë jeshile të hapur, të shoqëruar me një fund midi me nuanca të zeza dhe portokalli.
Pamjen e kompletoi me taka me majë të hapur dhe bizhuteri elegante, ndërsa vetëm pak orë më herët ishte shfaqur me një fustan transparent portokalli nga Ferragamo, pa bluzë poshtë, gjatë një paraqitjeje në ABC Studios, shkruan DailyMail.
Dalja e saj vjen në kohën kur seriali “Lucky”, i cili u publikua më 15 korrik në Apple TV+, po tërheq vëmendje edhe për reagimet e ndryshme të kritikëve.
Në serial, Anya interpreton Luciana “Lucky” Armstrong, një mashtruese që detyrohet të arratiset pasi një grabitje multimilionëshe dështon, ndërsa ndiqet nga FBI-ja dhe një shefe e pamëshirshme e krimit, e luajtur nga Annette Bening.
Kritikat për serialin kanë qenë të ndara. Disa media e kanë cilësuar si një projekt tepër të parashikueshëm, ndërsa të tjera kanë vlerësuar karizmën dhe praninë në ekran të Anya Taylor-Joy, pavarësisht dobësive të skenarit. /Telegrafi/
