Alisson Becker ka thënë se ai nuk do ta fitojë asnjëherë Topin e Artë, pasi është portier edhe pse kishte paraqitje fantastike në sezonin e kaluar te Liverpooli.
Portieri brazilian ka ende shanse që ta fitojë çmimin më të madh për një lojtar në futboll, pasi është në mesin e favoritëve për ta rrëmbyer atë.
Vetëm një portier ka ngritur çmimin e lakmuar. Lev Yashin, legjendari i Rusisë fitoi çmimin në vitin 1963.
26-vjeçari ka deklaruar se ai nuk mund ta fitojë Topin e Artë, pasi është vetëm portier dhe do të jetë e vështirë që një gjë e tillë të ndodhë.
"Unë vetëm kufizoj veten për të bërë punën time," tha ai kur u pyet nëse mund të fitonte Topin e Artë pasi udhëhoqi Brazilin në finale të Kupës së Amerikës.
"Ka shumë lojtarë të lartë që aspirojnë për këtë çmim. Unë jam vetëm një portier".
Brazili mundi Argjentinën e Lionel Messit për të siguruar një vend në finalen e Kupës së Amerikës.
"Ndalimi i të gjuajtjeve të tij [Messi] është një kombinim i përgatitjes dhe intuitës", shtoi Alisson.
Ish-anëtari i Romës pati një sezon të shkëlqyeshëm në debutimin te Liverpooli. Ai fitoi çmimin Dorzën e Artë në Ligën Premier, pasi mbajti portën e paprekur për 21 paraqitje në sezonin 2018/19. /Telegrafi/