Kohët sfiduese në të cilat jetojmë na sjellin gjithnjë e më shumë reagime alergjike
Vlerësohet se 20% e popullsisë së botës vuan nga ndonjë lloj alergjie.
Një nga alergjitë më të zakonshme ushqimore në fëmijërinë e hershme është alergjia ndaj proteinave të qumështit të lopës.
Midis 2% dhe 7% të fëmijëve gjatë vitit të parë të jetës vuajnë nga alergjitë ndaj proteinave të qumështit të lopës. Te 50% të fëmijëve, alergjia ndaj proteinave të qumështit të lopës zhduket në moshën njëvjeçare, ndërsa te shumica e tyre deri në moshën trevjeçare, transmeton Telegrafi.
- Kruarje
- Skuqje
- Urtikarie
- Ekzemë
Ndryshimet nga trakti gastrointestinal (sistemi i tretjes):
- Ënjtje e buzëve
- Regurgitimi i shpeshtë
- Të vjella
- Barkqitje
- Kapsllëk
- Siklet në stomak, fryrje të dhimbshme
- Gjak dhe / ose mukus në jashtëqitje
Ndryshimet nga sistemi respirator (sistemi i frymëmarrjes):
- Një hundë e lëngshme
- Kollë e vazhdueshme
- Fëshfërima në mushkëri
Pasojat e alergjive ndaj proteinave të qumështit të lopës:
- Mungesë rritjeje
- Marrja joadekuate e mikroelementeve
- Problemet e të ushqyerit
- Imuniteti i ndryshuar
- Shfaqja e sëmundjeve të tjera alergjike.
Si të ndihmojmë fëmijët?
Nëse foshnja është duke u ushqyer me gji, rekomandohet që nënat të eliminojnë qumështin, produktet e qumështit dhe ushqimet që përmbajnë proteina të qumështit të lopës nga dieta në konsultim me një pediatër - gastroenterolog.
Nëse foshnja përdor një formulë si shtesë ose formën e vetme të të ushqyerit, rekomandohet të aplikohet një formulë e përshtatur për trajtimin e alergjisë ndaj proteinave të qumështit të lopës.
Organizimi i mirë, durimi dhe zgjedhjet e duhura të ushqimit janë parakushte për tejkalimin e sfidave të vendosura nga alergjitë, funksionimi adekuat i fëmijëve dhe i gjithë familjes.
/Telegrafi/