Liverpooli ka marrë një lajm të madh pasi objektivi i tyre i merkatos ka kërkuar largimin nga klubi i tij mes thashethemeve të shumta.
‘Të Kuqtë’ mund të jenë aktiv gjatë afatit kalimtar të janarit, teksa ata do të synojnë që ta përforcojnë ekipin për pjesën e dytë të sezonit.
Njëri prej tyre është Khvicha Kvaratskhelia, i cili po ashtu po tërheq interesim të madh nga Paris Saint-Germaini.
Liverpooli është një prej destinacioneve të tij të mundshme, pasi tash e sa kohë e kanë pëlqyer profilin e tij.
Tani ka pasur disa zhvillime të mëdha, pasi vet lojtari ka kërkuar largimin e menjëhershëm nga klubi, diçka të cilën e ka konfirmuar trajneri i Napolit, Antonio Conte.
Liverpooli, sidoqoftë, do të përballet me konkurrencë të ashpër nga PSG-ja, të cilët kanë marrëveshje verbale me reprezentuesin gjeorgjian.
PSG-ja është në bisedime direkte me Napolin për të gjetur një zgjidhje, duke përfshirë kartonin e një lojtari plus para.
Klubi italian e vlerëson kartonin e 23-vjeçarit rreth 67 milionë euro, me PSG-në që e ka si objektiv kryesor.
Kujtojmë se Kvaratskhelia është pjesë e Napolit që nga korriku i vitit 2022 pas transferimit të tij nga Dinamo Batumi për 10 milionë euro./Telegrafi/