(E plotësuar) Drejtori i Spitalit Rajonal në Pejë, Skender Dreshaj, në një prononcim për Telegrafin ka bërë të ditur se nga aksidenti në Vitomiricë një person ka mbetur i vdekur.
Gjithashtu, sipas tij, përveç të vdekurit, një femër është në gjendje të rëndë dhe një tjetër me lëndime të lehta.
Dreshaj ka shtuar se gjendja e pacientes është duke u trajtuar nga mjekët, mirëpo për shkak të traumave të forta që ka marrë, janë duke e shqyrtuar rastin për ta dërguar në QKUK, Prishtinë. /Telegrafi/
--------------------------------------------------------------------------
Aksident në Vitomiricë të Pejës, ka të lënduar (Foto)
Një aksident trafiku me persona të lënduar ka ndodhur në Vitomiricë të Pejës.
Lajmin për Telegrafin e ka konfirmuar zëdhënësi i Policisë së Kosovës për Rajonin e Pejës, Driton Rugova.
Rugova tha se nuk ka shumë informacione për detajet rreth këtij aksidenti. /Telegrafi/
