Aksident në rrugën Strugë-Dibër, lëndohet një këmbësor
28/12/2018
Policia e Maqedonisë njofton se mbrëmë ka ndodhur një aksident komunikacioni në rrugën rajonale Strugë-Dibër, afër fshatit Vranishta.
Sipas policisë, në këtë aksident kanë marrë pjesë një kamion dhe dy makina, ndërsa është lënduar një këmbësor.
"65-vjeçari nga fshati Vranishta është dërguar në spitalin 'Shën Erazmo' në Ohër, ku i janë konstatuar lëndime të rënda trupore. Është kryer hetim në vendin e ngjarjes", thuhet në njoftimin e policisë./Telegrafi/