AMD rrit posedimin në treg

AMD gjatë çerekut të parë të vitit shënoi rritje të lehtë të posedimit në tregun global të procesorëve, tregojnë analizat e kompanisë Mercury Research.

Analizat kanë të bëjnë me dërgesat e procesorëve, ku AMD posedim rreth një për qind më të madh (19.1 për qind kundrejt 18.2 për qind të çerekut të mëparshëm), derisa posedimi i Intelit në mënyrë analoge ra në 80.2 për qind.

Mercury Research thekson se dërgesat totale të procesorëve janë më të ulëta se në çerekun e parë të vitit të kaluar, derisa rezultatit më të mirë në AMD i kontribuuan rimëkëmbja e dërgesave të disaqeve pas vërshimeve të vitit të kaluar në Tajlandë kërkesa më e madhe për portativët më të lirë dhe APU çipat Llano. AMD në tregun e procesorëve për kompjuterët e tavolinës mban 43 për qind të posedimit, njëjtë sikurse dhe vitin e kaluar.

Intel gjatë çerekut të parë ka dërgesa më të mëdha të procesorëve të lirë Atom dhe Celeron, derisa AMD gjatë çerekëve të ardhshëm pritet të ketë sukses me gjeneratën e re të APU çipave Trinity dhe gjeneratën e dytë të procesorëve C dhe E për portativët e lirë dhe kursyes. Analisti i Mercury Research, Dean McCarron, pret posedim më të madh të procesorëve të Intelit gjatë çerekëve të ardhshëm duke iu falënderuar paraqitjes së gjeneratës së çipave Ivy Bridge. /Telegrafi/