Ambasadori Ajeti: Sulmet verbale të Beogradit ndaj ambasadorit gjerman në Kosovë janë të papranueshme

Ambasadori i Kosovës në Gjermani, Faruk Ajeti ka thënë sot se sulme verbale të regjimit autokratik në Beograd ndaj ambasadorit gjerman në Kosovë, Jorn Rohde janë të papranueshme.

Ajeti në një postim në Twitter shkruan se sulmet e tilla janë të papranueshme dhe një provokim i qëllimshëm që kanë për qëllim inkurajimin e ekstremistëve.

“Sulmet verbale të regjimit autokratik në Beograd ndaj ambasadorit gjerman në Kosovë janë të papranueshme dhe një provokim i qëllimshëm që ka për qëllim inkurajimin e ekstremistëve…”, shkruan Ajeti, gjersa shpërndan një shkrim të derstandard.

Në një shkrim në derstandard.de thuhet se në javët e fundit ka pasur dhunë të përsëritur kundër përfaqësuesve të institucioneve të Kosovës dhe gazetarëve në veri të Kosovës.

Në këtë shkrim po ashtu raportohet se është intensifikuar edhe retorika nga Beogradi dhe se kryeministrja serbe, Ana Brnabiq ka sulmuar në Twitter ambasadorin gjerman në Kosovë, Jörn Rohde, i cili kishte bërë thirrje për largimin e barrikadave, që kanë penguar qarkullimin e lirë. /Telegrafi/

Die verbalen Angriffe des autokratischen Regimes in Belgrad gegen den deutschen ?? Botschafter im Kosovo ⁦@GermanAmbKOS⁩ sind inakzeptabel und eine bewusste Provokation, die zum Ziel hat, Extremisten und Wegelagerer im Kosovo ?? zu ermutigen. ⁦ https://t.co/QiCP91dnTj

— Faruk Ajeti (@FarukAjeti) December 24, 2022