Ambasada amerikane kishte dijeni për sulmin e të dielës në Turqi

Ambasada amerikane në Turqi ka konfirmuar se si ajo, si qeveria turke, kanë qenë në dijeni të një sulmi të mundshëm, që pritej të ndodhte, dhe ndodhi të dielën.

Sipas një njoftimi për shtyp në faqen e saj zyrtare, Ambasada amerikane në Turqi shprehet se ka kuptuar për kërcënimin terrorist nga autoritetet turke ndaj kishte paralajmëruar qytetarët amerikanë dhe punonjësit turq të ambasadës.

“Javën e kaluar, Ambasada Amerikane mori një informacion të kërcënimit me anë të një paralajmërimi të qeverisë turke që qarkullonte në mediet sociale. Pas konfirmimit të paralajmërimit me autoritetet turke, Ambasada ka lëshuar një njoftim për të gjithë qytetarët amerikanë në Ankara, punonjësit qeveritarë dhe qytetarët privatë, dhe për punonjësit turk të Ambasadës Amerikane, sikurse bëjmë zakonisht pasi mësojmë informacione nga qeveria turke në lidhje me kërcënimet”, thotë Ambasada amerikane në një deklaratë.

Të premten, ambasada amerikane u tha qytetarëve amerikanë të shmangin zonën Bahçelievler të Ankarasë, rreth 5 kilometra nga sheshi Kizilay.

Një makinë bombë shpërtheu në mbrëmjen e së dielës në një stacion autobus në sheshin Kizilay të Ankarasë, duke vrarë 37 dhe plagosur mbi 120 të tjerë. /Panorama/