Amareta franceze

Përbërësit për 36-40 copë amareta:

• 2 të bardha veze
• pak kripë
• 50 gr sheqer kristal të imët
• 120 gr sheqer pluhur
• 80 gr miell bajamesh të bluar e të situr
• 80 -100 gr bajame
• bojë ushqimore
• pluhur të përzier me petale të thata trëndafili të bluara imët

Përbërësit për kremin:

• 120 gr gjalpë
• 60 gr sheqer pluhur
• 4 lugë gjelle reçel trëndafili,
• 1 lugë gjelle liker trëndafili
• 1 luge kafeje ujë trëndafili

Përgatitja:

Bajamet e situra i përziejmë me sheqerin e situr ose i sitim të dyja bashkë.

Vezët përpara se të filloni vendosini në ujë të ngrohtë rreth 20 minuta. I rrahim vezët me pak kripë në mikser derisa të fillojnë të rrisin vëllimin dhe shtojmë sheqerin, jo të gjithin njëherësh por tre herë radhazi dhe duke e rrahur vazhdimisht deri sa sheqeri të tretet plotësisht. Kujdes se nuk duhet tejkaluar me rrahjen sepse dalin të thata.

Hedhim masën e sheqerit pluhur dhe bajameve përsëri me radhë jo njëherësh dhe e përziejmë me kujdes, që mos të ulet masa, me kujdes që të marrë të gjithë masën e sheqerit dhe bajameve. Në
fund do vini edhe bojën ushqimore ngjyrë rozë dhe pluhurin e petaleve të trëndafilit, këtë gjë e bëjmë duke e shtypur bashkë me sheqerin kristal në një enë porcelan i bëhet një pluhur i imët me aromën e petaleve të thata.

Ndërkohë vëreni furrën të nxehet në 150 gradë.

Mbushni një qese me masën e përftuar priteni njërin cep më gërshërë dhe hidheni me kujdes tek tava ku do e piqni. Mbi tavë vini një letër pjekëse, dhe hidheni masën në formë rrathësh larg njëri-tjetrit. Tavat i lëmë temperaturë ambienti rreth 30 minuta ose me shumë pastaj i fusim në furrë rreth 15 minuta. I lëmë të ftohen.

Përgatisim kemin për mbushje.
Në fillim përziejmë me mikser sheqerin me gjalpi n sa të bëhet një krem homogjen pastaj shtoj prevedenë e trëndafilit të përzier me ujë trëndafili dhe likerin. I lidhim të dyja masat mirë me mikser me kujdes, masën e prevedesë e hedhim me kujdes lugë- lugë e duke e rrahur me kujdes që të lidhet e të bëhet një krem homogjen. Pastaj i ngjisim dy nga dy amaretat duke u vënë kremin. Tani janë gati për t’u servirur. /Telegrafi/