Allegri: Nuk ka më transferime nga Juventusi

Massimiliano Allegri ka konfirmuar se nuk do të ketë më nënshkrime të reja nga Juventusi këtë verë, pasi ka thënë se ekipi tashmë është konkurrues kështu.

Juve tashmë ka sjellë lojtarë si Cristiano Ronaldo, Leonardo Bonucci dhe Joao Cancelo, dhe Allegri pohoi se skuadra e Juventusit ishte mjaft e mirë për të garuar në nivelin më të lartë në sezonin 2017-18.

“Klubi bëri atë që duhej të bënte”, ka thënë fillimisht Allegri pas humbjes në miqësore nga Real Madridi me rezultat 3-1.

Lexo po ashtu Allegri: Kalendar shumë i vështirë, titulli vendoset në javët e fundit

“Nënshkrime më shumë? Ne jemi tashmë konkurrues kështu siç jemi dhe nuk mund të presim që të fillojmë sezonin me të gjithë në dispozicion”.

“Do të jetë një kënaqësi për të trajnuar Ronaldon, ai është lojtari më i mirë në botë me Messin. Me ardhjen e Bonuccit, ne kemi pesë lojtarë për dy pozicione”.

“Do të jetë një sezon shumë i vështirë, kështu që ne do të kemi nevojë për të gjithë. Disa lojtarë të rinj kanë treguar shumë në SHBA, kështu që ata mund të gjejnë hapësirë ​​edhe me ne”.

Lexo po ashtu Formacioni i Juventusit për sezonin e ri me përforcimet e bëra, sulmi udhëhiqet nga CR7

“Ndeshja ishte një provë e madhe për ne, mes dy skuadrave të mëdha. Ishim të lumtur që jemi të përfshirë në katër ndeshjet e luajtura këtu, përpara sezonit të ri”.

“Ishte një përvojë e mrekullueshme për ne, pasi kemi qenë në gjendje të matemi kundër një ekipi me cilësi të veçanta”, përfundoi trajneri italian. /Telegrafi/