Aliovski ende mban inati me Pepen, i thotë shokut të skuadrës se mezi pret përballjen me Arsenalin

Leeds dhe Arsenal janë përballur me 22 nëntor në Ligën Premier, në një ndeshje të zjarrtë.

Edhe pse takimi mes dy rivalëve të vjetër në Ligës Premier përfundoi pa gola 0-0, në fushë kishte zënka të shumta.

Sulmuesi i Arsenalit, Nicolas Pepe pati një konflikt me mbrojtësin shqiptar të Leeds United, Ezgjan Aliovskin.

Pepe e goditi me kokë shqiptarin, ndërsa gjyqtari kryesor e përjashtoi me karton të kuq.

E në fund të ndeshjes, Kieran Tierney i Arsenalit tentoi të qëronte hesapet me shqiptarin, të cilit në ndihmë i doli Granit Xhaka duke e mbrojtur atë.

Por duket se Aliovskit nuk i ka ikur inati me Pepen që e goditi me kokë dhe këtë e ka zbuluar shoku i tij i skuadrës, Patrick Bamford.

Sulmuesi anglez ka zbuluar në një intervistë për faqen zyrtare të klubit, se Aliovski mezi po pret përballjen me Arsenalin.

“E dini çfarë? Ai (Aliovski) më tha në dhomat e zhveshjes: ‘Me zor po pres të dielën’. Unë mendova: ‘Përse’? Ai më tha: ‘Sepse do luaj prapë me shokun tim Pepe’, tregon Patrick Bamford.

Mbetet të shihet se si do të reagojë Aliovski në përballje me Pepen në ndeshjen që do të zhvillohet të dielën në Emirates Stadium me fillim nga ora 17:25. /Telegrafi/