Alexei Navalny do të varroset të premten në Moskë

Ceremonia e varrimit të Alexei Navalnyt do të bëhet në Moskë të premten, ka njoftuar zëdhënësja e tij.

“Një ceremoni do të zhvillohet në një kishë në distriktin juglindor Maryino në orën 14:00”, tha Kira Yarmysh në një postim në X.

Në postimin e saj, ajo u bëri thirrje mbështetësve të tij që të “shfaqen më herët”, duke theksuar se më pas do të varroset në varrezat e Borisovit, transmeton Telegrafi.

Ekipi i tij raportohet se kishte patur problem dje që të gjej një lokacion nga ku do t’i japin lamtumirën e fundit në një ceremoni të organizuar, pasi shumë hapësira të dedikuara për raste të tilla refuzonin ta bënin këtë.

Lexo po ashtu Ukrainasit pretendojnë se kanë rrëzuar dhjetë aeroplanë luftarak rus brenda dhjetë ditëve

Madje sipas Yarmysh disa refuzonin të përmendin emrin e kritikut të ashpër të Kremlinit, derisa tjerëve u ishte ndaluar të bashkëpunojnë me ta.

Ndryshe Navalny ka vdekur në një burg në Arktik, ku prej atij momenti shumica e liderëve botërorë e kanë bërë Vladimir Putinin përgjegjës për vdekjen e tij.

Ndërkaq e ëma e tij, i bëri thirrje Putinit që ta lejojë të shoh kufomën e të birit dhe t’i japë lamtumirën e fundit. /Telegrafi/