Albatrit Muqiqi uron Nysretin për ditëlindje me një fotografi të veçantë, kur së bashku pozonin me veshje kombëtare

Këngëtari i njohur i muzikës popullore, Nysret Muqiqi, ka festuar në datën 1 majit ditëlindjen e tij.

Me këtë rast, ai ka marrë urime të shumta nga miqtë, kolegët, por edhe familjarët e tij.

Për një nga urimet më të veçanta u kujdes djali i tij, këngëtari Albatrit Muqiqi, i cili ka publikuar një fotografi të vjetër të tij dhe të atit, në rrjetin social Instagram.

Lexo po ashtu Të gjitha lajmet nga Estrada Shqiptare

Bëhet fjalë për një imazh të realizuar në fëmijërinë e Albatritit, i cili i veshur me veshje kombëtare dhe plis në kokë, merrte mësimet nga i ati, i cili i shfletonte atij një libër.

“Po ta kujtoj me këtë këngë dhe fotografi ditën e lindjes babë #3000vjet jetofsh sa kjo këngë, Urime ditëlindjen dhe e gëzofsh shëndetin dhe krejt të mirat në jetë bashkë me ne. Të dua shumë”, ka shkruar Albatriti në mbishkrimin e fotografisë.

Ndërkohë, bashkëngjitur me këtë fotografi, këngëtari ka publikuar edhe një fotografi tjetër, duke treguar se si babë e bir duken sot, pas kaq shumë vitesh që kanë kaluar nga fotografia paraprake.

Albatriti përndryshe rrjedh nga një familje muzikantësh, pasi të dy prindërit e ti: Nysreti dhe Merita, janë marrë gjithashtu me muzikë, kryesisht popullore. /Telegrafi/