Al-Khelaifi: E respektojmë Real Madridin, por jemi të bezdisur me spekulimet rreth Neymarit  

Presidenti i Paris Saint-Germain, Nasser Al-Khelaifi ka pranuar të jetë “i mërzitur” lidhur me spekulimet e vazhdueshme që lidhin Neymarin me Real Madridin.

Sheiku nga Katari këmbëngul se klubi parisien ndan një ‘marrëdhënie të mirë’ me kampionët evropianë, por ai nuk do të tolerojë asnjë punë që ‘të bëhet prapa skenave’.

“Kjo nuk është një situatë e favorshme dhe ne kemi folur për këtë me Real Madrid”, ka thënë fillimisht Al-Khelaifi në një intervistë për Marca.

Lexo po ashtu Real Madridi ka gati 372 milionë euro për të nënshkruar me një 'galaktik'

“Asnjë klub nuk duhet të flasë për lojtarët tanë anasjelltas, ajo jep imazhin se ka punë që po bëhet prapa skenave dhe kjo është e bezdisshme”.

“Ne e respektojmë Real Madridin dhe presidentin e saj Florentino Perez, ndërsa ne gjithashtu shpresojmë që ata të ndajnë të njëjtat ndjenja për ne, është një marrëdhënie e mirë”.

“Ky është mirëkuptimi që duam me të gjitha klubet, jo vetëm Madridin, sepse është e rëndësishme që të kemi dialog rreth çështjeve dhe të mos përdorim taktika të fshehta”.

Lexo po ashtu Real Madridi në pritje të dënimit të PSG-së nga UEFA për ta blerë Neymarin ose Mbappen

“Presidenti i La Liga-s, Javier Tebas? I kam thënë atij se kur flasim për njerëzit, është më mirë të thuhet në fytyrat e tyre sesa prapa shpinës”.

“Ai duhet të shqetësohet për problemet e tij dhe jo për një klub që nuk ka të bëjë me juridiksionin e tij”, përfundoi presidenti i PSG-së. /Telegrafi/