Akt i tmerrshëm ndaj një njeriu me aftësi të kufizuara: E rrahu, pastaj e hodhi para një autobusi (Video,+16)

Ky është momenti tronditës kur një përdhunues i dënuar nga Polonia egërsisht rreh një njeri me aftësi të kufizuara, para se ta tërhiqte atë duke e “hedhur” para një autobusi.

Damien Pankiewicz, i cili kishte qenë në Britani për vetëm dy ditë, u dënua me 12 vjet burg për sulmin e paprovokuar pasi ai u gjet fajtor për shkaktimin e lëndimeve të rënda trupore, transmeton Telegrafi.

Siç raportojnë mediat britanike, 37-vjeçari do të deportohet pas vuajtjes së dënimit me burg për shkak se gjithashtu ai kishte dënime për përdhunim dhe sulm edhe në Poloni.

Damien Pankiewicz

Pankiewicz, i cili nuk ka adresë fikse, në mënyrë të përsëritur ka grushtuar viktimën me aftësi të kufizuara – duke e lënë atë pa ndjenja.

Pas kësaj ai e ka zvarritur atë në rrugë dhe e la atë para një autobusi që po vinte, i cili për fat të mirë kishte arritur të ndalonte në kohë.

Viktima u la me gjakderdhje në tru, një këmbë të thyer dhe brinjë të thyera, përcjell Telegrafi. Ai kishte qëndruar në spital për tre javë pas sulmit, i cili kishte ndodhur më 22 qershor 2015.

Gjatë gjykimit, në të cilën Pankiewicz u deklarua i pafajshëm, ai pretendoi se viktima ia kishte vjedhur telefonin e tij. Por kjo ishte përgënjeshtruar kur ishin shqyrtuar provat e marra nga regjistrimet e bëra nga kamerat e sigurisë. /Telegrafi/