Aksioni i ushtrisë kolumbiane, pamje që tregojnë sekuestrimin e afro 3.000 kilogramë kokainë brenda një laboratori të fshehtë në xhungël

Videoja e filmuar në Amerikën e Jugut, përkatësisht në Kolumbi – tregon ushtarët që futen në një laborator që ishte fshehur në xhungël.

Kokaina ishte e destinuar për narko-bosin Joaquin Guzman i njohur si El Chapo, i cili është në kryer të kartelit më të vjetër në Meksikës, transmeton Telegrafi.

Ushtria atje konfiskoi 2.800 kilogramë drogë në vlerë prej të paktën 95 milionë dollarëve.

E ministria meksikane e Mbrojtjes, ka vlerësuar se dy laboratore të tilla brenda një muaji kanë prodhuar të paktën katër tonë kokainë që është transportuar me mjete të ndryshme në afërsi të qytetit përgjatë vijës kufitare me Ekuadorin.

Ajo më pas ishte planifikuar të shpërndahej në vende të ndryshme të Amerikës Qendrore, e prej atje shpërndarësit do të takoheshin me njerëzit e kartelit Sinaloa.

Qeveria kolumbiane ka bërë të ditur në tetor të vitit të kaluar se në vend ekzistojnë tri organizatat kryesore kriminale – karteli Sinaloa, karteli Nuevo Generacion, Los Zetas dhe Beltran-Leiva – dhe se janë përgjegjës për shumicën e kokainës që transportonte jashtë shtetit. /Telegrafi/