Aksidenti i rëndë në Gllarevë, ish drejtori i Klubit Basketbollistik të Pejës: Falë Zotit kemi kalu vetëm me lëndime trupore

Një aksident i rëndë trafiku ka ndodhur mbrëmjen e së mërkurës, ku në mesin e të aksidentuarve ishin edhe ish-drejtori i KB Pejës, Arbër Elshani dhe ish-kapiteni i KB Pejës, Arti Hajdari.

Lajmin u bë i ditur nga vet ish-drejtori i KB Pejës, Arbër Elshani përmes një postimi në rrjetin social në Facebook.

Sipas tij, nga aksidenti ata kanë marr lëndime trupore, por më shumë lëndime siç tha ai ka marrë njëri nga personat në veturën tjetër.

“Unë dhe Arti, kemi pasur aksident shumë të rëndë, të mërkurën mbrëma por falë Zotit kemi kalu me vetëm lëndime trupore. Ne kemi qenë në respektim total të rregullave të komunikacionit, por papritmas në shiritin tonë ka ardhur një veturë me shpejtësi shumë të madhe dhe nuk kemi mundur ta evitojmë aksidentin. Për neve e rëndësishme është që kemi shpëtuar.

Edhe ata dytë kanë shpëtuar, por njëri nga ta ka qenë në situatë pak më të rëndë dhe shpresoj që edhe ai ta kalojë këtë situatë sa më shpejt. Para jetës nuk vlen asgjë, as vetura dhe asnjë gjë tjetër. Falënderojmë Zotin që na ka shpëtuar. Jam shumë mirënjohës për të gjithë juve më mesazhet e pafundme që më keni derguar. Jam i nderuar që kam kaq shumë miq dhe shokë”, ka shkruar Elshani. /Telegrafi/