Aksident në Teksas, aeroplani rrëzohet në rrugë pak pasi u ngrit në ajër – u përfshi nga zjarri dhe raportohet për të vdekur

Një aeroplan është rrëzuar në rrugë në Teksas në afërsi të një restoranti, e sipas informacioneve piloti ka humbur jetën.

Fatkeqësia ka ndodhur në orët e para të pasdites, kurse shkaqet ende janë të panjohura, kanë bërë të ditur zyrtarë lokalë të zjarrfikësve, transmeton Telegrafi.

Aeroplani u rrëzua pak minuta pasi ishte ngritur në ajër nga aeroporti i Teksasit, kurse mediat lokale duke u thirrur në deklaratat e dëshmitarëve, aeroplani kishte pasur probleme teknike dhe gjatë rrëzimit kishte goditur një shtyllë elektrike dhe më pas pjesën e pasme të një kamioni që ishte në lëvizje.

Fluturakja ishte përfshirë nga zjarri dhe kishte rënë në afërsi të restorantit “Sonic”, e ekipet e zjarrfikësve u kanë bërë apel shoferëve të shmangin vendin ku ka ndodhur rrëzimi i aeroplanit.

Deri më tani nuk dihet për çfarë lloji të aeroplanit bëhet fjalë, as sa njerëz ishin brenda fluturakes. Por, besohet se bëhet fjalë për aeroplanin e dedikuar për dy persona.

https://twitter.com/Breaking911/status/1341140094019887108?ref_src=twsrc%5Etfw%7Ctwcamp%5Etweetembed%7Ctwterm%5E1341140094019887108%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3590021%2Fteska-nesreca-u-teksasu-avion-se-srusio-na-put-ubrzo-nakon-poletanja-letelica-se-zapalila-i-pala-ima-zrtava-video

Në rrjetet sociale janë shfaqur pamjet nga vendi i ngjarjes, madje disa nga përdoruesit e rrjeteve sociale e kanë shpjeguar në detaje se si ka ndodhur gjithçka. /Telegrafi/

https://www.youtube.com/watch?v=6JfhGWI52ps&feature=emb_title