Aksident në Kumanovë, humb jetën një person

Një 70 vjeçar, banor i fshatit Rezhanoc të Kumanovës, sot në mëngjes i është nënshtruar plagëve të marra i cili duke vozitur biçikletë është goditur nga një veturë, i cili fillimisht është larguar nga vendi i ngjarjes, mirëpo sot është paraqitur në polici, thonë nga policia e Kumanovës

“Dje në SPB Kumanovë është raportuar se në ora 14:00 në bulevardin “Revolucioni i Tetorit” në Kumanovë automjeti “Seat” me targa të Kumanovës drejtuar nga S.M. (32) nga Kumanova ka goditur biçiklistin Z.J.(70) nga fshati Rezhanoc i Kumanovës, pas së cilës është larguar nga vendi”, thuhet në njoftimin e policisë.

Çiklisti Zh.J., theksojnë nga atje, është dërguar në spitalin e Kumanovës, por për shkak të plagëve të rënda të marra është dërguar në klinikën “Nënë Tereza” në Shkup, ku ka ndërruar jetë në orën 06:00.

“Sot pas masave dhe aktiviteteve të ndërmarra, zyrtarët policorë nga SPB Kumanovë kanë gjetur shoferin S.M. dhe në një bisedë zyrtare në stacionin policor ka pranuar veprën penale”, shtojnë nga policia./Telegrafi/