E plotësuar: Policia e Kosovës ka dhënë detaje rreth aksidentit të sotëm në “Rrugën B” në Prishtinë.
Zëdhënësja e policisë, Flora Ahmeti ka konfirmuar për Telegrafin se në këtë aksident është lënduar një person.
“Sot rreth orës 11:00, në rrugën "B" në Prishtinë, ka ndodhur një aksident i trafikut rrugor.
Në këtë aksident, kanë qenë të përfshira dy automjete në lëvizje. Si pasojë e aksidentit një person ka pësuar lëndime trupore”, tha Ahmeti.
Ajo shtoi se me rastin po merret njësiti trafikut. /Telegrafi/
----
Aksident mes dy veturave te “Rruga B” në Prishtinë
Një aksident trafiku ka ndodhur pak minuta më parë te “Rruga B” në Prishtinë.
Telegrafi ka siguruar fotografi nga vendi i ngjarjes ku shihet se në këtë aksident janë përfshirë dy vetura.
Sipas lexuesve dëmet janë të mëdha, ndërkaq nuk dihet nëse ka persona të lënduar.
Telegrafi do t’ju mbajë të informuar. /Telegrafi/
